2026 жылдың маусым айының 3 онкүндігіндегі қысқаша агрометеорологиялық шолу.
Маусымның үшінші онкүндігінде республиканың оңтүстігі мен оңтүстік-шығысында ауаның орташа онкүндік температурасы нормадан 1...4°С жоғары болған. Күздік дәнді бидай өсіретін аудандарда жауын-шашын көбінесе біркелкі емес, оңтүстікте, оңтүстік-шығыста нормадан аз жауған және көп болған.
Елдің оңтүстігінде және оңтүстік-шығысында күздік бидай егістіктерінде көбінесе «дәннің уыздануы»-«толық пісуі», Жамбыл облысы Байзақ ауданы Сарыкемир метеостанциясының маңында күздік бидай жинауға кірісті.
Елдің оңтүстік-шығысы мен оңтүстігінде жаздық дәнді бидай егістіктерінде көбінесе «масақтану»-«дәннің уыздануы», Жетісу, Жамбыл және Түркістан облыстарында жекелеген аудандарда жаздық арпа егістіктерінде «дәннің уыздануы»-«толық пісуі», ал Алматы облысының Райымбек және Кеген аудандарының маңында «масақтану»-«төменгі сабақ түйіннің пайда болуы» кезеңдері байқалуда,Жамбыл облысының Байзақ ауданында жаздық арпаны жинауға кірісті. Өсімдіктердің жағдайы жақсы және өте .
Елдің солтүстік бөлігінде жаздық бидай дақылдарында негізінен «түптену»-«масақтану» кезеңі байқалады. Жаздық арпа егістіктерінде «түтікке шығу»-«масақтану», ал Қостанай облысының Қарасу ауданында (Железнодорожный метеостанциясы) «дәннің сүттенуі» даму кезеңі байқалды. Жаздық дәнді дақылдар мен егістердің жай-күйі негізінен жақсы және өте жақсы, жекелеген учаскелерде қанағаттанарлық.
Еліміздің батысында жаздық дәнді бидай егістіктерінде «масақтану»-«гүлдену» даму фазалары байқалады, өсімдіктердің жағдайы көбінесе жақсы және өте жақсы, жеке учаскелерде қанағаттанарлық.
Еліміздің солтүстік-батысында Ақтөбе облысының Мартук ауданының Мартук метеостанциясы маңайында сұлы егістіктерінде «дәннің сүттенуы» фазасы байқалады, өсімдіктердің жағдайы жақсы. Мартук және Қарғалы аудандарында жаздық арпа егістіктерінде «масақтану», ал кеш егістіктердің жекелеген учаскелерінде «түптену», Мартук, Хромтау және Әйтекеби аудандарында жаздық бидай егістіктерінде «түптену»-«түтікке шығу» даму фазалары байқалады, өсімдіктердің жағдайы негізінен жақсы.
Шығыста Абай облысының Үржар және Жарма аудандарында жаздық бидай егістіктерінде «масақтану»-«гүлдену» даму кезеңі жалғасуда, Бородулиха ауданында жаздық арпа егістіктерінде «дәннің сүттенуі» даму кезеңі байқалады. Өсімдіктердің жағдайы жақсы және өте жақсы.
Шығыс Қазақстан облысында жаздық дәнді дақылдардың егістіктерінде «түтікке шығу» - «топырақ бетінен төменгі сабақ түйінінің пайда болуы», Самар ауданында (Самарка метеостанциясы) маңында «масақтану» кезеңі байқалады. Шемонаиха метеостанциясының жанында жаздық арпа дақылдарында «масақтану» даму кезеңі байқалады. Өсімдіктердің жағдайы жақсы.
Орталықта Қарағанды облысының Абай ауданында жаздық арпа егістіктерінде «дәннің сүттенуі», Нұра, Қарқаралы, Ақтоғай, Осакаров аудандарында «түтікке шығу»-«масақтану» даму кезеңі байқалады. Қарқаралы, Осакаров, Нұра аудандарында жаздық бидай егістіктерінде «түтікке шығу»- «топырақ бетінен төменгі сабақ түйінінің пайда болуы», ал Бұқар Жырау ауданының Қарағанды СХОЗ метеостанциясы мен Нұра ауданының Көбетей агропосттарының, сондай-ақ Осакаров ауданының Есілінің стансасының маңында «масақтану»даму кезеңі байқалады. Өсімдіктердің жағдайы негізінен жақсы және өте жақсы.
Елдің шығысында және солтүстігінде күнбағыс дақылдарында «2-ші жапырақ жұбы»-«гүлшоғырлардың пайда болуы» даму фазалары байқалды. Өсімдіктердің жағдайы жақсы және өте жақсы, ал жекелеген жерлерде қанағаттанарлық.
Елдің оңтүстігінде мақта алқаптарында «бүршіктену» даму кезеңі байқалады. Өсімдіктердің жағдайы жақсы және өте жақсы.
Қызылорда облысының Шиелі ауданында және Жетісу облысының Қаратал ауданында күріш егістігінде «түптену» даму фазасы байқалады. Өсімдіктердің жағдайы жақсы.
Онкүндіктің соңғы күнінде эдификатор өсімдіктерінің жалпы жағдайы қанағаттанарлықтан өте жақсыға дейін өзгеріп отырған. Көптеген жайылымдарда шөптердің жағдайы жақсы. Алматы, Солтүстік Қазақстан және Ақтөбе облыстарының жекелеген аудандарында шөптерге аса қолайлы жағдай (биіктігі мен жай-күйін бағалау бойынша) байқалады, Ақтөбе, Батыс Қазақстан, Түркістан облыстары мен Ұлытау және Жетісу облыстарындағы жекелеген жайылымдарда шөптердің жай-күйі қанағаттанарлық.
Маусымның үшінші онкүндігінде Солтүстік астық егетін өңірлерде (Қостанай, Ақмола, Солтүстік Қазақстан және Павлодар облыстары) топырақтағы ылғал қорын аспаптық айқындау нәтижелері бойынша қанағаттарлық және оңтайлы ылғалмен қамтамасыз ету негізінен топырақтың жарты метрлік және метрлік қабаттарында тіркелді, ал егістік қабатта бақылау учаскелерінің көпшілігінде ылғал қорының төмендеуі байқалады. Жауын-шашын тапшылығына байланысты елдің орталық бөлігінде және шығыста егістік және жарты метрлік топырақ қабаттарындағы өнімді ылғал қоры жеткіліксіз болып қалады.
