2026 жылдың қазан айының 1-ші онкүндігіне қысқаша агрометеорологиялық шолу.
Қазан айының бірінші онкүндігінде Қазақстанның астық егетін аумағының басым бөлігінде бірқалыпты жылы, жауын-шашынмен ауа райы байқалған. Республиканың солтүстік жартысында көбінесе онкүндіктің ортасында байқалған жауын-шашын, кейбір жерлерде жаздық дәнді дақылдарды жинау жұмыстарының аяқталуын қиындатуы мүмкін. Егін егетін өңірлерде егін жинау жұмыстары аяқталуда.
Оңтүстіктің және оңтүстік-шығыстың күздік бидай өсіретін аудандарында Алматы облысының Кеген ауданы Жалаңаш метеостанциясының маңайында «3-ші жапырақ» даму фазасы жалғасуда. Жетісу облысы Сарқанд ауданының Сарқанд метеостанциясы маңайында онкүндіктің соңында күздік бидай көктеу кезеңінде. Жетісу облысының Талдықорған метеостанциясы мен Кербұлақ ауданының Шоқан агропосты, сондай-ақ Жамбыл облысының Қордай ауданының Қордай агропосты маңайларында бақыланатын учаскелерде күздік бидай егуге кіріскен.
Республиканың оңтүстігінде және оңтүстік-шығысында (Түркістан, Алматы және Жетісу облыстарында) жылу сүйгіш дақылдарды (жүгері, мақта, соя) жинау жұмыстары жалғасуда.
Оңтүстікте, оңтүстік-шығыста көпжылдық шөптерде «1-ші шабудан кейін қайта өсу» – «3-ші шабудан кейін қайта өсу», Жетісу облысында «3-ші шабудан кейін гүлдеу», батыста және солтүстікте «тұқымның пісуі»-«1-ші шабудан кейін қайта өсу» даму кезеңі байқалады.
Жайылымдарда мал жаю жайылымдық мал шаруашылығының барлық аумағында жүргізілген, шөптерді жинау және шабындықтарда шөп шабу Атырау облысының Қызылқоға және Құрманғазы аудандарында, Батыс Қазақстан облысының Ақжайық ауданында жүргізілген, Маңғыстау облысының Маңғыстау және Бейнеу аудандарында жем-шөп тасымалдау жалғасуда, малдарды күзгі жайылымдарға айдауды Ұлытау облысында жүргізген. Жайылымдардың оталуы тегіс әлсіз және бірқалыпты, Жамбыл және Маңғыстау облыстарының жекелеген жайылымдары оталмаған, Ақтөбе облысы Алға ауданы Ильинский станциясы мен Батыс Қазақстан облысы Ақжайық ауданы Тайпақ станциясы маңайларында жайылымдар қатты оталған. Шымның жағдайы көбінесе құрғақ, дымқыл шым тек Ақтөбе облысында байқалған.
