2026 жылдың қараша айының 1-ші онкүндігіне қысқаша агрометеорологиялық шолу.
Қарашаның бірінші онкүндігінде Қазахстанның оңтүстігінде және оңтүстік-шығысында күздік бидай өсірілетін аудандарда ауаның орташа температурасы көпжылдық мәндерден жоғары болды, оңтүстік-шығыста жауын-шашын нормадан аз, ал оңтүстікте нормадан көп болды.
Талдықорған қаласы, Жетісу облысы, Төлеби ауданы, Түркістан облысы Түлкібас ауданы, Жамбыл облысы Қордай ауданы маңындағы бақылау учаскелерінде күздік бидайдың көктеуі байқалады. Жамбыл облысы Шу, Меркі ауданының, Қазығұрт ауданының, Түркістан облысы Шымкент қаласының және Жетісу облысы Кербұлақ ауданының маңында күздік дәнді дақылдардың «тұқымның өнуі» кезеңі белгіленді. Алматы облысының Жамбыл, Ұйғыр аудандарында, Жамбыл облысының Жуалы және Байзақ аудандарында күздік бидай егуге кірісті.
Оңтүстікте, оңтүстік-шығыста көпжылдық шөптердің (жоңышқа) «3-ші шабудан кейін қайта өсуі», Түркістан облысы Келес ауданының жекелеген учаскелерінде «4-ші шабудан кейін қайта өсуі», батыста (еркекшөп) «2-ші шабудан кейін қайта өсуі»-«вегетациялық кезеңнің тоқтау» даму фазалары байқалды.
Онкүндік кезеңде барлық өңірлерде мал жаю жұмыстары тұрақты жүргізілді. Шөп шабу, жемшөп қорын тасымалдау жұмыстары Батыс Қазақстан және Атырау облыстарында жалғасты.
Жайылымдардың тапталу деңгейі көптеген аумақта әлсіз және орташа, Актөбе облысы Алға ауданында және Батыс Қазақстан облысы Ақжайық, Сырым аудандарында жайылымдар қатты тапталған, Жамбыл және Маңғыстау облыстарында жекелеген жайылымдар тапталмаған. Шымның жай-күйі негізінен ылғалды, мұздаған шым Ақтөбе және Атырау облыстарында байқалады.
