2026 жылдың тамыз айының 1 онкүндігіндегі қысқаша агрометеорологиялық шолу.
Тамыздың бірінші онкүндігінде еліміздің астық егетін өңірлерінде жаздық бидай мен жаздық арпа егістіктерінде көбінесе «дәннің уыздануы»-«толық пісу», жекеленген учаскелерде «дәннің сүттену» даму фазалары байқалған.
Елдің солтүстігінде жаздық дәнді дақылдар егістіктерінде көбінесе «дәннің уыздануы»-«толық пісу», жекеленген учаскелерде «дәннің сүттену» фазасы байқалды.Жаздық дәнді дақылдар мен егістіктердің жай-күйі көбінесе жақсы, жеке учаскелерде қанағаттанарлық. Мамлют, Тайынша аудандарында және Солтүстік Қазақстан облысының Ғ. Мүсірепов ауданында жаздық арпа жинауға кірісті.
Еліміздің батысы мен солтүстік-батысында жаздық дәнді дақылдар егістіктерінде «дәннің уыздануы»-«толық пісу», жекелеген учаскелерінде «дәннің сүттену» фазалары орын алған, Батыс Қазақстан облысының Шыңғырлау және Бәйтерек аудандарында жаздық арпа жинауға кіріскен, сондай-ақ Ақтөбе облысының Мәртөк ауданында сұлы жинау жұмыстары жүргізілуде. Өсімдіктердің жағдайы негізінен жақсы, жекелеген жерлерде қанағаттанарлық.
Еліміздің шығысында Абай облысының Үржар, Жарма және Бородулиха аудандарында және Шығыс Қазақстан облысында жаздық дәнді дақылдар егістіктерінде «дәннің уыздануы»-«толық пісу» даму фазалары байқалуда. Өсімдіктердің жағдайы жақсы және қанағаттанарлық. Шығыс Қазақстан облысының Үлкен Нарын ауданында жаздық бидай жинауға кірісті.
Еліміздің орталығында Қарағанды облысының Осакаров, Нұра, Ақтоғай және Бұқар Жырау аудандарында жаздық арпа егістіктерінде «толық пісу», Қарқаралы ауданында кеш егілген егістіктерде «масақтану» даму фазалары байқалды. Абай ауданында жаздық арпа жинауға кірісті. Жаздық бидай егілген егістіктерде дақылдардың «дәннің уыздануы»-«толық пісу», ал Ұлытау облысының Ұлытау ауданында жаздық бидайдың «толық пісу» даму фазалары байқалуда. Өсімдіктердің жағдайы негізінен жақсы, жекелеген жерлерде қанағаттанарлық.
Елдің оңтүстік-шығысы мен оңтүстігінде жаздық дәнді дақылдар мен күздік бидай дақылдарында негізінен «толық пісу» даму фазасы байқалады, жаздық арпа мен күздік бидайды жинау жұмыстары жалғасуда.
Елдің шығысы мен солтүстігінде күнбағыс дақылдарында «гүлдену»- «пісу» даму фазалары жалғасуда. Өсімдіктердің жағдайы жақсы және өте жақсы, жекелеген учаскелерде қанағаттанарлық.
Елдің оңтүстігінде мақта алқаптарында «гүлдену» даму кезеңі жалғасуда. Өсімдіктердің жағдайы жақсы және өте жақсы.
Қызылорда облысының Шиелі ауданында және Жетісу облысының Қаратал ауданында күріш алқаптарында «дәннің сүттену» даму фазасы жалғасуда. Өсімдіктердің жағдайы жақсы және қанағаттанарлық.
Онкүндіктің соңғы күні Солтүстік Қазақстан облысында, сондай-ақ Ақтөбе, Алматы және Маңғыстау облыстарында жекелеген жайылымдарда шөптердің жақсы жай-күйі байқалады. Қарағанды, Атырау, Жамбыл, Қызылорда облыстарында және Ақтөбе облысының бақылау пункттерінің көпшілігінде шөптің жақсы жай-күйі басым болған, қанағаттанарлық жай-күйі Түркістан және Жетісу облыстарының көптеген пункттерінде, Ұлытау және Қостанай облыстарында байқалған. Батыс Қазақстан облысында шөптердің жағдайы қанағаттанарлықтан жақсыға дейін бағаланады.
Топырақ ылғал қорың аспаптық бақылау нәтижелері бойынша солтүстік астық егетін өңірлерде (Қостанай, Ақмола, Солтүстік Қазақстан және Павлодар облыстары) топырақтың өнімді ылғал қоры метрлік және жарты метрлік қабаттарында көбінесе қанағаттанарлық және оңтайлы болып сақталған. Сонымен қатар, бақылау учаскелерінің көпшілігінде топырақтың беткі қабатында өнімді ылғал қорларының төмендеуі жалғасады.
