2026 жылдың қазан айының 2-ші онкүндігіне қысқаша агрометеорологиялық шолу.
Елдің солтүстік жартысында жаздық дәнді дақылдарды жинау науқаны аяқталуда.
Қазан айының екінші онкүндігінде республиканың оңтүстігі мен оңтүстік-шығысында күздік бидай өсірілетін аудандарда ауа температурасы нормаға жуық, жауын-шашын мөлшері нормадан аз болған. Күздік дәнді дақылдарды себу жұмыстары жалғасуда.
Алматы облысы Кеген ауданы Жалаңаш метеостанциясының маңайында күздік бидайда «түйін тамырының қалыптасуы» даму фазасы байқалған. Жетісу облысы Сарқанд ауданы Сарқанд метеостанциясы маңайында күздік бидайдың күзгі вегетациясының тоқтауы байқалған. Жетісу облысы Талдықорған метеостанциясы маңайындағы бақылау учаскелерінде күздік бидайдың көктеп шығуы байқалды. Жамбыл облысы Қордай ауданы Қордай агропостының маңайында күздік бидай дәнінің өнуі байқалды.
Алматы облысы Жамбыл ауданы Аққайнар агропостының, Түркістан облысы Бәйдібек ауданы Екпінді агропостының және Төле би ауданы Тасарық метеостанциясы маңайында алдын ала жырту және тырмалау жұмыстарымен бірге, күздік бидай себу жұмыстары басталды.
Алматы облысы Ұйғыр ауданы Кегенсай метеостанциясы маңайында сүдігер жырту жұмыстары жүргізілді.
Егістіктердің жай-күйі көбінесе жақсы және қанағаттанарлық.
Республиканың оңтүстігінде жылу сүйгіш дақылдардың (соя, мақта) егістіктерінде ауыл шаруашылығы жұмыстары жалғасуда. Түркістан облысының Ордабасы және Жетісай аудандарында мақтаны жинау жұмыстары жалғасуда. Өсімдіктердің жай-күйі өте жақсы және жақсы. Жетісу облысының Ақсу ауданында соя жинау жұмыстары басталды.
Алматы облысының Еңбекшіқазақ ауданында жүгерінің «толық пісу» даму фазасы жалғасуда, өсімдіктердің жай-күйі жақсы. Жетісу облысының Ақсу ауданында және Алматы облысының Талғар ауданында өнім жинау жұмыстары басталды.
Күнбағыс егістіктерінде «жинауға жарамдылық» даму фазасы жалғасуда. Өсімдіктердің жай-күйі жақсы, жекелеген учаскелерде қанағаттанарлық.
Жайылымдардың тапталу деңгейі барлық аумақта әлсіз және орташа. Жамбыл және Маңғыстау облыстарында жекелеген жайылымдар тапталмаған. Ақтөбе облысы Алға ауданы Ільинский станциясының және Батыс Қазақстан облысы Ақжайық ауданы Тайпақ станциясының маңындағы жайылымдар қатты тапталған.
Шымның жай-күйі негізінен құрғақ, ылғалды шым тек Ақтөбе облысында байқалады.
