2026 жылдың қазан айының 3-ші онкүндігіне қысқаша агрометеорологиялық шолу.
Қазан айының үшінші онкүндігінде Қазақстанның негізгі астық егетін облыстарында жаздық дәнді дақылдарды жинау жұмыстары аяқталды.
Республиканың оңтүстігі мен оңтүстік-шығысында күздік бидай өсірілетін аудандарда жылы ауа-райы байқалды, ал таулы және тау бөктеріндегі аудандарда температураның төмендеуі, негізінен жауын-шашынсыз, жекелеген аудандарда жауын-шашын нормадан аз болды. Алматы облысының Кеген ауданында және Жетісу облысының Сарқанд ауданында күздік бидайдың бақылау учаскелерінде орташа температура 2°С дейін және одан төмен төмендеді, күздік бидайдың вегетациясы тоқтады. Жетісу облысы Талдықорған қаласы мен Түркістан облысы Төлеби ауданының маңындағы бақылау учаскелерінде күздік бидай «көктеу», ал Жамбыл облысы Қордай, Шу және Жетісу облысы Кербұлақ ауданында «тұқымның өнуі»-«көктеу» фазалары белгіленді. Алматы облысының Жамбыл, Ұйғыр аудандарында, Жамбыл облысының Шу ауданында, Түлкібас, Қазығұрт аудандарында және Түркістан облысының Шымкент қаласында күздік дәнді дақылдар егуге кірісті.
Республиканың оңтүстігінде және оңтүстік-шығысында (Түркістан және Алматы облыстары) жылу сүйгіш дақылдарды (жүгері, мақта) жинау жалғасуда.
Шығыс Қазақстан облысының Ұлан ауданында күнбағыс жинау шаралары өткізілді.
Оңтүстікте, оңтүстік-шығыста көпжылдық шөптерде «3-ші шабудан кейін қайта өсу», жекелеген учаскелерде «2-ші шабудан кейін қайта өсу»-«вегетациялық кезеңнің аяқталуы», батыста және солтүстікте «1-ші шабудан кейін қайта өсу»-«2-ші шабудан кейін өсіру» даму кезеңі байқалады.
Онкүндік кезеңде барлық өңірлерде мал жаю жұмыстары тұрақты жүргізілді. Батыс Қазақстан облыстарында шөп шабу, оны жинау, сондай-ақ жемшөп қорын тасымалдау жұмыстары жалғасын тапты. Алматы облысының кейбір аудандарында малды шомылдыру шаралары өткізілсе, Ұлытау облысында ветеринариялық-профилактикалық жұмыстар атқарылды.
Жайылымдардың тапталу деңгейі барлық аумақта әлсіз және орташа. Жамбыл және Маңғыстау облыстарында жекелеген жайылымдар тапталмаған. Алматы облысы Жамбыл ауданы Айдарлы станциясының және Батыс Қазақстан облысы Ақжайық ауданы Тайпақ станциясының маңындағы жайылымдар қатты тапталған.
Шымның жай-күйі негізінен құрғақ, ылғалды шым тек Ақтөбе облысында байқалады.
