Таныстыру экскурсиясы аясында студенттер Қазақстанның ұлттық гидрометеорологиялық қызметінің тарихымен, кәсіпорынның негізгі қызмет бағыттарымен, сондай-ақ метеорология, гидрология, агрометеорология және экологиялық мониторинг салаларындағы мамандардың жұмысымен танысты.
Экскурсия барысында болашақ мамандарға Гидрометорталықтың жұмысы, ауа райы болжамын жасау үдерісі, синоптикалық ақпаратты талдау әдістері және заманауи мониторинг технологиялары туралы айтылды.
Мұндай кездесулер білім беру ұйымдары мен өндірістік мекемелер арасындағы өзара байланысты нығайтуға, сондай-ақ студенттердің болашақ мамандығымен және гидрометеорологиялық қызметтің практикалық жұмысымен жақынырақ танысуына мүмкіндік береді.
