Алдағы үш тәулікте Қазақстан аумағына белсенді циклон ықпалын сақтап, ауа райы құбылмалы болады. Жаңбыр жауып, найзағай ойнайды, кей уақытта нөсер жаңбыр жауып, бұршақ түсуі мүмкін. Республика бойынша желдің күшеюі 15–20 м/с-қа дейін жетеді, 2–3 шілдеде еліміздің оңтүстігі мен оңтүстік-шығысында жел екпіні 23–28 м/с-қа дейін күшейеді. Қазақстанның оңтүстігінде шаңды дауыл күтіледі.
Күндізгі ауа температурасы батыс пен оңтүстік-батыста +31…+38°C-қа дейін жоғарылайды, солтүстік-батыста +27…+35°C болады. Елдің солтүстігі мен орталығында ауа температурасы +18…+28°C-қа дейін төмендейді. Республиканың шығысында аптап ыстық сақталып, ауа температурасы +30…+37°C болады. Ал оңтүстік және оңтүстік-шығыс өңірлерде ауа температурасының жайлы деңгейі +25…+35°C аралығында күтіледі.
