«Қазгидромет» РМК-де аэрологиялық зондтау жүйелері мен метеорологиялық жабдықтарды өндіруші түркиялық Meteosis Teknoloji A.Ş. компаниясының өкілдерімен жұмыс кездесуі өтті.
Кездесу барысында тараптар аэрологиялық зондтау саласындағы заманауи технологияларды, радиозондтық жүйелерді дамыту мәселелерін және аэрологиялық бақылауларды жүргізуге арналған автоматтандырылған шешімдерді енгізу перспективаларын талқылады.
Meteosis компаниясының өкілдері аэрологиялық шарларды автоматты түрде ұшыруға арналған SelfSonde AROS жүйесін қоса алғанда, компанияның соңғы әзірлемелерін таныстырып, оларды әртүрлі елдерде пайдалану тәжірибесімен бөлісті.
Қазгидромет мамандары қонақтарды Қазақстандағы қолданыстағы аэрологиялық бақылау жүйесімен таныстырып, атмосфералық мониторингтің ерекшеліктері мен бақылау желісін дамыту бойынша атқарылып жатқан жұмыстар туралы баяндады.
Кездесу барысында техникалық ынтымақтастықты дамыту, тәжірибе алмасу және метеорологиялық бақылаулар мен атмосфера мониторингін жетілдіру саласындағы өзара іс-қимылдың ықтимал бағыттарына ерекше назар аударылды.
Кездесу қорытындысы бойынша тараптар кәсіби диалогты одан әрі жалғастыруға және гидрометеорология мен аэрологиялық зондтау салаларындағы ынтымақтастықты дамытуға өзара қызығушылық білдірді.
