Тағы да циклон

Аязды, жауын-шашынсыз ауа райын әкелген антициклон Қазақстан аумағынан шығып барады. Оның орнына қуатты циклон жылжуда. Ылғалды ауа массаларымен толығатын бұл циклон республика аумағының басым бөлігіне жаңбыр мен қар түріндегі жауын-шашын, көктайғақ, бұрқасын алып келеді.
Жауын-шашынмен бірге циклон желдің күшеюін де тудырады. Батыс, солтүстік және орталық өңірлерде желдің екпіні секундына 30 метрге дейін және одан да күштірек болуы болжанады.