ҚазҰУ студенттері мен оқытушылары үшін өткізілген Қазгидромет дәрісі

2024 жылдың 21 қарашасы күні ұзақ мерзімді ауа райы болжамдарын әзірлеу және шығару тақырыбына онлайн-форматтағы көшбасшылық дәріс өтті.
Мамандыққа даярлау сапасын арттыру мақсатында іс-шара Әл-Фараби атындағы Қазақ ұлттық университетінің метеорология және гидрология кафедрасының студенттері мен оқытушылары үшін ұйымдастырылды. Дәрісті Қазгидрометтің мынадай мамандары өткізді:

• Жұлдыз Исабекова, ұзақ мерзімді ауа райы болжамдары басқармасының басшысы,
• Сымбат Өсер, 1-санатты инженер.

Олар ауа-райын болжаудың заманауи тәсілдері туралы егжей-тегжейлі әңгімелеп берді, соның ішінде:

• ұқсас жыл әдісін қолдану;
• 13 жетекші әлемдік болжау орталықтарының сандық гидродинамикалық модельдерін қолдану;
• Аймақтық Солтүстік Еуразиялық климаттық орталықтың, Ресейдің бас геофизикалық обсерваториясының және гидрометорталығының деректерін пайдалану.

Болжау әдістерін практикада қолдану мысалдары қызу пікірталас тудырды. Қатысушылар әдістердің ерекшелігі мен дәлдігіне қызығушылық танытып, белсене сұрақтар қойды. Дәріс аясында кафедраның білім беру процесіне «ARM ұзақ мерзімді синоптик» мамандандырылған бағдарламалық қамтамасыз етуді қолдану ұсынылды.

Іс-шара арқылы ғылым мен білім арасындағы өзара байланысты нығайтуға маңыз қадам жасалды. Ол метеорология саласының жоғары білікті мамандарын даярлау үшін теориялық білім мен практикалық құралдарды қалай ойдағыдай  біріктіруге болатынын көрсетті.