Қазақстан аумағының басым бөлігі жаңбыр мен қар түрінде жауын-шашын күтілетін циклон шұңқырының әсерінде болады. Елдің оңтүстік-шығысындағы таулы аудандарда қатты жауын-шашын күтіледі. Сондай-ақ республика бойынша тұман, солтүстік-батыста, солтүстікте, орталықта және шығыста – көктайғақ, солтүстік өңірлерде – боран болжанады. Республиканың батысы мен оңтүстік-батысында ғана солтүстік-батыс антициклон жотасының ықпалымен жауын-шашынсыз ауа-райы күтіледі. Еліміздің батысы мен оңтүстік-батысында түнде 1-8 жылулық күтіледі, солтүстікте 2 градусқа дейін үсік жүреді, күндіз 10-17, оңтүстікте 20 жылу болады. Солтүстік-батыста температураның негізгі бағыты: түнде 5 аяз - 3 жылы, күндіз 5-15 жылудан 0-8 жылуға дейін аздап төмендеу, өңірдің оңтүстігінде 12 жылу, солтүстікте және орталықта температураның негізгі фоны: түнде 5 аяз-3 жылу, күндіз 2-11 жылудан 0-8 жылуға дейін аздап төмендейді. Шығыста түнде 3 аяз-5 жылу, күндіз 3-11-ден 7-15-ке дейін жылу көтеріледі. Оңтүстікте ауа температурасы түнде 0-8 градус, солтүстікте және таулы аудандарда 3 градусқа дейін, күндіз 12-20 градус жылу аралығында болады. Оңтүстік-шығыста ауа температурасы түнде 0-8 градус, солтүстікте және таулы аудандарда 3 градусқа дейін, күндіз 4-12-ден 7-15 градус аралығында көтеріледі.
