Агрометеорологиялық онкүндік шолу

2017 жылдың ақпан айының 2-ші онкүндігіне

қысқаша агрометеорологиялық шолу

      Ақпан айының екінші онкүндігінде Қазақстанның күздік бидай егетін оңтүстік және оңтүстік-шығыс аудандарында температуралық фон нормадан 1-4˚С төмен болды, кей жерлерде нормадан 2˚С жоғары болып, жауын-шашын жалпы нормадан жоғары жауған.

      Еліміздің оңтүстігінде 6 күнге дейін және оңтүстік-шығыста 7 күнге дейін болған жиі жылымық, оңтүстікте (минус 10-22˚С) және оңтүстік-шығыста (минус 12-25˚С) ауа температурасының түнгі теріс көрсеткіштеріне ауысуы, күздік бидай егістігінде әлсіз дамыған өсімдіктердің зақымдануына әкелуі мүмкін.

      Батыс Қазақстан облысында тұрақты қар жамылғысының байқалуы күздік қара бидайдың қысқа төзімділігіне қолайлы әсер етеді.

      Мал шаруашылығы аймақтарының басым бөлігінде, тек еліміздің оңтүстік және оңтүстік-батысының кей аудандарынан басқа, ауа-райы әдеттегіден суық болып, жауын-шашын жаппай жауған.

     Өткен кезеңде Маңғыстау облысының Маңғыстау, Бейнеу және Қарақия аудандарында, Атырау облысының Құрманғазы ауданында, Ақтөбе облысының Шалқар ауданында, Қарағанды облысының Ұлытау ауданында, Алматы облысының Жамбыл, Балқаш және Қаратал аудандары мен Қызылорда облысының Қармақшы ауданында мал жайлымдарда жайылады, қалған аймақтарда мал қорада тұр.

      Жер отынының жалпы жай-күйі қанағаттанарлық, Батыс Қазақстан облысында, Ақтөбе облысынның Ырғыз ауданында және Алматы облысының Қаратал аудандарында жер отының жай-күйі әлі нашар екендігі байқалады.

      Қарағанды облысының Ақтоғай ауданында және Алматы облысының Жамбыл мен Қаратал аудандарында жайылымның қатты тапталғаны әлі жалғасуда, қалған аймақтарда орташа тапталғандығы байқалады.

      Шымның жай-күйі жалпы қатқақ, Маңғыстау облысының Қарақия ауданыңда шым дымқыл болды.

Copyright © 1998-2017, РГП "Қазгидромет"
Разработка: компания «Creatida» Поддержка сайта «Турбосайт»