Агрометеорологиялық онкүндік шолу

2017 жылдың қаңтар  айының 1-ші онкүндігіне

Арналған қысқаша агрометеорологиялық шолу

          Республикамыздың оңтүстік және оңтүстік-шығысының күздік бидай егетін аудандарында қаңтар айының бірінші онкүндігінде температуралық фон 3-6˚С, кей жерлерде 8˚С дейін нормадан жоғары, Алматы облысының таулы аудандарында 1-2˚С нормадан төмен болып, жауын-шашын нормадан төмен және норма шамасында болды.

          Алматы және Жамбыл облыстарында 5-6 күн және Оңтүстік Қазақстан облысында 5-7 күн бойы болған жылымық, күздік бидайдың қысқа төзімділігін төмендетуі мүмкін, соның салдарынан өсімдіктің қысқа төзімділігі төмендеді. Оңтүстік Қазақстан мен Жамбыл облысының кейбір аудандарында қардың болмауы және қардың шамалы биіктігі күздік бидайдың қатты аяздарда қыстап шығуына әсер етуі мүмкін.

         Мал шаруашылығы аудандарының басым аймақтарында қаңтар айының бірінші онкүндігінде ауа-райы әдеттегіден жылы болып, жауын-шашын әртүрлі қарқынмен жаппай дерлік жауған.

         Маңғыстау, Атырау, Алматы, Оңтүстік Қазақстан облыстарында, Ақтөбе облысының Ырғыз ауданында, Қарағанды облысының Шет және Ұлытау аудандарында және Қызылорда облысының Қармақшы ауданында малды далада бағылуда. Қалған аймақтарда мал қорада тұр.

         Алматы облысының Қаратал ауданында онкүндіктің басында малды қосымша қоректендіруді бастап, Маңғыстау облысының Маңғыстау ауданында жас малды және аналық малды қоректендіру және малдардың қыстық базаларына қысқы азықты тасу жалғасуда.

     Онкүндіктің соңғы күні мал шаруашылығы аймақтарының басым бөлігінде жайылым жағдайы қанағаттанарлық екені, жайылымдар бірқалыпты тапталғандығы байқалды.

Шымның жай-күйі жалпы қатқақ, Маңғыстау облысының Қарақия ауданында (Аққұдық МС) шым дымқыл, Жамбыл облысының Мойынқұм ауданында (Мойынқұм МС), Қызылорда облысының Қармақшы ауданында (Шірік-Рабат МС) шымның жай-күйі құрғақ.

Copyright © 1998-2017, РГП "Қазгидромет"
Разработка: компания «Creatida» Поддержка сайта «Турбосайт»